Ha u Naikhynde u wai ya ka Yung Dorbar Chna Aiñ wa thymme ka Meghalaya

Ka Yung Dorbar Chna Aiñ ka jylla namo ka Meghalaya Assembly Building wa thymme u wai noh ka ha u Naikhynde 2024 katkam wa ong u Montri Rangbah, u Conrad K Sangma.

Kani ka yung wa dang chna kawa em ha Mawdiangdiang hapoh ka New Shillong Township (NST) da sahteiñ u pyndep wow chna ka hadien wa oor i khlieh tnoom kyllung ko ha u Naisan 2022 heiwa da thmu leh wow wai ka ha u 2022 hi.

Hadien wa pyndep yei takit yeiwa jia ini heiwa da chem wym biang i ya krehlang hapyrdi kiwa pynwandur wa kiwa kreh heiwa da khia ini i khlieh tnoom palat yei bor ki paya wa kyrchaan, neiliang ka High Powered Committee (HPC) da pdiang ko ya ini wa chem da ka IIT Guwahati.

Ya kani ka yung dorbar thymme yong ka jylla da chna da ka Rajkiya Nirman Nigam Ltd kawa na Uttar Pradesh heiwa da ong u ko wow pyndep u chna hei lut wa Rs. 127 klur iwa duna ya iwa da booh ka sorkar iwa Rs. 145 klur, hadien ini da pynku yei lut cha Rs. 177 klur wei kattæ won i lut da ku i cha ka Rs. 200 klur.

Related posts

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

I daw wa ku i bai chna toh wa em i pynkylla yei heh kani ka yung dorbar wei da mih leh kiwi de ki kynjnit kynjnat wa emkaam u leh hadien wa oor i khlieh tnoom yow pyntikna wa ka yung man ko kawa skem.

Heiyatoh waka Assembly Building warim kawa em ha Kyndailad, Shillong kawa da iñ kamwa 20 snem nachwa, u Conrad da pyntip u wa ya kani daw pynkylla noh ka cha ka Heritage Museum hadien wa kyrriah lut ya waroh cha ka yung wa thymme neibhah katni dang pynemkaam ka kam ka yung krehkaam ka Meghalaya Assembly.