Jowai: U montri rangbahdooh ka ri u Narendra Modi ynne ka sngi da sdang u ya ka kaam wow pynwiar ya ka kjutTuberculosis namo ka TB na India ha u snem 2025, san snem chwa i por wa da booh ha waroh ka pyrthai wow pynwiar ya kani ka kjut.
Yeini da ong u Modi heipor wa sdang ka End-TB Summit ha Delhi, heiwa da sdang ya ka TB-Free India Campaign hapoh ka National Strategic Plan for TB Elimination.
“Da em ka thong wa da booh ha waroh ka pyrthai wow pynwiar ya kani ka kjut ha u snem 2030, tangwa hapoh India u pynwiar ya ka chwa u snem 2025,” da ong u Modi.
U Modi da ong u wa emkam wow sylli bniah, wei wow thooh ki laad wa ha rukom wow pynwiar ya kani ka kjut heiwa ki sorkar jylla leh embynta bha ki ha kani ka kaam.
Da ong u wa ki sorkar jylla embynta bha ki wow pynwiar ya ka kjut TB na India wei neiliang yong oo leh da thoh u cha waroh ki montri rangbah ki jylla wow yakrehlang neibynta kani ka thong.
Na kani ka kjut TB da dooh hadooh 17 lak ki mynsien ha u snem 2016, hanlada boon kiwa ye u sumaar da em 10 lak ngut kiwa yoh ya kani ka kjut man la u snem.
Discussion about this post