Ha u SP ujor ki san seiñ pyrchah ya u OC ka Phramer yei kheiñ stiñ u kem ya uwa dat ya ki le ngut

Jowai: Ki san tylli ki seiñbhalang ka Ri-loom Jaiñtia kiwa kynthup ya ka RJFY, AJHSWO, AJSU, JSM-WJH (CU) wa ka JSU hadien wa yoh ujor ki na ki 3 ngut kiwa chah dat ki ha u Wicklyfy Sungoh uwa tip leh kam u Phi Sungoh uwa man chipayu tre yong u Constant Sungoh uwa man kam u kyrtong yong ka UDP ha u snem 2013 na ka 3-Raliang Constituency wei katni dang pykhreh wow yakhun wow yaleh biang ha uni u snem ha ka MLA Election da lai ujor ki cha u SP ka West Jaiñtia Hills hei yatoh wa ini.

U Phi Sungoh da dat u ya ki le ngut ki bru haka Dong Momala, Nangbah kiwa tip pyrtuid kam u Dalar Biam (56 snem), u Viktor Hinge (59 snem) wa ka Merika Hinge (28 snem) ha ka 23-12-2017 heipor kamwa 10:00 waje i step khlem em iwon iwon i daw.

Ha ini i chah dat, u Dalar Biam da mynsoo joor na i bynta i khlieh wa u bood loom neidaw wa u Phi Sungoh da noh u ya oo chapoh ka pynthor kawa yillu 9 Ft wei da pynhap u sa u moo wa khia kamwa 7 kg. Da pynkit ya oo cha Civil Hospital Ialong yow yoh yei sumaar tangwa neidaw joor palat i chitom u da kit noh ya oo cha NEIGRIHMS yow yoh i sumaar wa biang.

Katkam ka ujor yong kini ki le ngut kiwa da booh FIR ha Phramer Traffic Cell nadooh ka 23-12-2017 hajrong i chah dat ki tangwa hadooh katni neiliang ki pulit ka Phramer Traffic Cell ki wym em chimkhia ki u kem ya uwa emkti.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Hajrong kani kani yurim, ki san seiñ da chim ki ya ka rai wow yachem wei wow booh dorkhat ki ha u Superintendent of Police West Jaiñtia Hills, u Vivek Syiem ha ka 29-12-2017 pyrchah ya u Officer in Charge ka Phramer Traffic Cell, u P.K. Kyndait hajrong wym chimkhia u wei i leh stiñ u yei kaamram wa da pynkit ka sorkar jylla ha oo wei da e leh ya kani ka dorkhat ha u Deputy Commissioner ka West Jaiñtia Hills yow leh ki yeiwa emkaam.

Kini ki san seiñ ha ka jooh ka sngi da yachem ki ya u DSP, u P. Syiem hajrong ini waroh.

Khaddooh ki san seiñ da ong ki wa ka aiñ ymtoh u man ko kawa noh chiliang du ya kiwa khian katwa kiwa heh spah lait bait ki u leh katwa ngait ki na iwon iwon i pynchitom wei u boodien ki ya ini i kaam.