Ha uni u bnai u thap ka sorkar ya ki kyndon ILP ha ka aiñ Meghalaya Resident’s Safety and Security, Act

Shillong: Ynne ka sngi ka seiñ Confederation of Meghalaya Social Organisation (COMSO) da yaklam ki wa u symbood montri rangbah u Prestone Tynsong hajrong wow pynkrehkaam noh ya ka aiñ wa sariem waka Inner Line Permit (ILP) hapoh ka jylla.

U Robertjune Kharjahrin uwa man leh u Chairman ka COMSO da ong u wa hadien wa ka sorkar ka da paan yumut ko neiliang ki seiñbhalang ini wa da dep da phah wow e buit cha ka Political wa Law Department wa kammon wow pynkrehkaam ya kani ka aiñ.

Da ong u wa neiliang u Prestone da pyntip u wa kani ka kaam da poi ko cha ki bynta wa khaddooh wow pyndep noh, wei dang sah wow pynlai lang ya kani ka aiñ wa ka Labour Legislation neibhah wa em leh ka Work Permit yong ka sorkar ya ki baar jylla kiwa kreh mylla.

Da pyntip u leh wa neiliang u symbood montri rangbah da pynbna u wa ka sorkar da pynkhreh ko wow pyndep noh hapoh uni u bnai wow thap ya ki kyndon wa sariem kam ka ILP hawa pynkylla ya ka Meghalaya Resident’s Safety and Security, Act (MRSSA).

Related posts

Pynkhreh ka BJP Meghalaya ya ka Election 2028 deiwa pynskem ya kiwa kitkaam thymme

June 14, 2025

Kyntait ka Agatha Sangma wow man ka kyrtong MP cha Rajya Sabha

May 29, 2025