U Montri Rangbah ka jylla, u Conrad Sangma deilang wa ki Symbood Montri Rangbah ka jylla, u Sniawbhalang Dhar wa u Prestone Tynsong, u Lamphrang ka yung dorbar chna aiñ, u Thomas A Sangma deilang wa ki MLA wa kiwi kiwi de, ha ka 29 tarik da lai pait ki ya ka yung dorbar thymme ka jylla wa em ha New Shillong yow booddien yei pynchna ya kani ka yung dorbar.
Kam wow pynkynmoo wa i tnoom kyllung kani ka yung da oor i ha u 21 tarik Naisan, 2022 heiwa ka sorkar da dep yooluti ko wow pynemkaam noh ya kani ka yung dorbar pyn ha u snem 2022 hi. I chna ya kani ka yung da sdang i nadooh u Naiynru, 2019 tangwa da sangeh noh yei chna hadien wa haap i tnoom yow pynman ya ka takit yow tip yei daw wa da jia ini.
Yei takit da pynman leh da ka IIT Guwahati kawa da ong wym em biang i rukom ya krehkaam lang da waroh kiwa chna ya kani ka yung heiwa i tnoom da man i iwa khia palat yeiwa ye u kyrchaan kamtæ da oor noh i.
U Montri Rangbah da pyntip u wa kattæ da sdang wow pynhooid noh ya iwa da oor da pra yow sdang biang yei kreh.
Ha kani ka dorbar mang tangka wa dang dep, ka sorkar da booh bhah ko T. 35 klur yow chna pyndep noh ha uni u snem ya kani ka Meghalaya Legislative Assembly Building.
