15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Haap ar tylli ki truck cha synrang ha Sunapur, dang yaleh ki pulit wow thooh ya kiwa mynsoo

Advertisement ad1

Ynnin ka 17 tarik da em i tyrrah kari ha u sarokbah NH-6, East Jaiñtia Hills ha Sunapur heiwa kawi ka truck wakit ya ki mar Online wa em u No. AS-01-CC-6701 hadien wa sih ko da sangeh pynyieñ ko harood u sarok wei ym em bru de hapoh kani ka truck neidaw wa da sih ko wei du hadien kattu katni por da wan sa kawi ka truck nadien wa em u No. BR-04-J-8503 wei da tyrrah ko ya ka truck kawa da pynyieñ chwa wei na ini pyn-ar kini ki truck da haap ki ha i synrang wa jrong kamwa 250 – 300 feet. 

Mar ya tip yeini neiliang ki pulit ka Umkiang PP wa na Khliehriat hapoh i yahkhmat u DSP (Crime) kamjooh leh u In-Charge ka Umkiang PP da lai ki wut-wut cha kani ka thaw wow leh yeiwa emkaam tangwa manda poi ha ini i thaw neidaw wa synrang ware i thaw wa jia, neiliang ki pulit khlem artatien da thooh ki da kawi tawon ka luti wow poi cha tre ini i synrang iwa da chimpor ya ki hadooh kamwa 3 kynta. 

Advertisement ad1

Manda poi ki cha tre ini i synrang da sdang ki wow thooh lada em kiwa mynsoo, tangwa kini ki ar tylli ki truck da neh ki hapyrdi i khloo wa rben wei da paan yarap noh leh na ka Emergency Response Team ( SERT) na Shillong wei chirup wa ka SERT ynne i step da sdang biang u thooh lada em kiwa mynsoo.

Hapyrdi i thooh ki pulit wa ki SERT nadooh i step, ynne won heipor kamwa 11:00 i sngi uwi u bru ya uwa tip kam u Motiur Rahman da wan u ha Umkiang PP wei man u leh uwa yah ya ka truck wa tyrrah nadien ya ka truck wa em Number AS-01-CC-6701 kawa da haap cha synrang wei u Rahman da takha u hei doh i pran yong oo wei da ong u wa mar ya tyrrah wa kani ka truck da kynthiar u na ka truck wa yah u wei da sapdong u ha ki dieñ wei da lait u na i mynsoo. 

Hadooh wa pynmih ya kani ka Wyrta ympu tip lada em dang em chooh kiwi kiwa mynsoo namo kiwa khlaad ha ini i jia tyrrah kari. 

Share this:
Previous

Mynstep u sdang ka SLINEX-20 hapyrdi ka Indian Navy wa ka Sri Lanka Navy

Next

Mynsoo 7 ngut hei kajai pood ka Assam waka Mizoram