15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Mynstep u sdang ka SLINEX-20 hapyrdi ka Indian Navy wa ka Sri Lanka Navy

Advertisement ad1

Ka SLINEX-20 toh i yakrehlang wa chisien chi snem hapyrdi ki chipai duriaw ka Indian Navy (IN) wa ka Sri Lanka Navy (SLN) ya kawa tip kam ka SLINEX-20 kawa pynman chisien chi snem wei ha uni u snem u man ko ka kynti wa 8 wa pynman ya kani ka Exercise.

Ya kani ka Exercise da booh thong wow sdang ko ha Trincomalee, Sri Lanka nadooh ka 19 hadooh ka 21 tarik uni u bnai.

Advertisement ad1

Neiliang ka Sri Lanka Navy daw embynta ki jhaad yapam wa kynthup ya ka SLN Ships Sayura (Offshore Patrol Vessel) wa ka Gajabahu (Training Ship) hapoh i pynlai u Rear Admiral Bandara Jayathilaka, u Flag Officer Commanding Naval Fleet, Sri Lanka Navy. 

Ya ki chipai duriaw ka India daw chimbynta da ka ASW Corvettes Kamorta wa ka Kiltan hapoh i pynlai u Rear Admiral Sanjay Vatsayan, Flag Officer Commanding Eastern Fleet.

Chooh chooh daw pynemkaam leh ya ka lieñsuiñ tyrkeh namo ka Indian Navy Advanced Light Helicopter (ALH) wa ka Chetak Helicopter kiwa daw pynkrehkaam na ki jhaad ka India chirup wa ki lieñsuiñ Dornier Maritime Patrol Aircraft wa kiwi kiwi. 

Ha u snem wa dadep ya ka SLINEX da pynman harood duriaw ka sorbah Visakhapatnam ha u Naikhynde 2019.

Ka thong yong ka SLINEX-20 toh wow pynkhlan yei rukom krehkaam hapyrdi ki chipai duriaw kini ki ar ri ha ki kaam wa boon rukom. 

Chooh chooh ya kani ka Exercise da pynman deiwa bood thij ya ki kyndon wow yada na ka khlam COVID-19.

Share this:
Previous

Section 144 to continue in East Khasi Hills

Next

Haap ar tylli ki truck cha synrang ha Sunapur, dang yaleh ki pulit wow thooh ya kiwa mynsoo