Soo ngut ki nong China kiwa wan uiñke cha Nepal chirup wa uwi u Pilot da dooh ki yei mynsien hadien wa haap ka Helicopter wa chong ki hajan Kathmandu.
Neiliang ki pulit da chem ki ya san tylli ki metyap na Ward No 7 ka Shivapuri Rural Municipality, Nuwakot.
Kani ka helicopter toh ka yong ka Air Dynasty kawa toh u lai cha Rasuwa na Kathmandu wei da mih ko heipor 1:54 i sngi.
Neiliang ka Civil Aviation Authority of Nepal (CAAN), da phah ko ya kawi ka Helicopter cha ini i thaw yow lai yarap.
Ki pulit da ong ki wa kini ki metyap toh ki ar ngut ki kynthai, uwi u chynrang wa u Pilot wa tip kam u Arun Malla, katwa iwi i metyap ympu tip neibhah da iñ i chawa palat wow tipmit.
Kam wow kdaw heini kawi ka lieñsuiñ ka Saurya Airlines da haap ko ha ka 24 tarik u Naiynñiaw heiwa da dooh ya 18 tylli ki mynsien heiwa da lait im du u Pilot.
Discussion about this post