Ka lieñsuiñ ka Air India ka Boeing 787-8 Dreamliner kawa kit kamwa 242 ngut ki bru da haap ko cha khydaw (Crash) du hadien kattu katni por wa da hær ko na Ahmedabad Airport deiwa thmu wow lai cha London.
Na ki 242 ngut, 232 ngut toh ki bru wa la luti wa 10 ngut won ki bru wa pynlai ya kani ka lieñsuin. 169 ngut toh kiwa na India, 53 ngut kiwa na UK, 1 na Canada wa 7 ngut na Portugal.
Yeini wa jia da em kiwa yoh wow riñdur iwa da pynyoo wa kani ka lieñsuin da chem chitom ko wow ku chaneiñ wei noh ko cha khyndaw heipor kamwa 1:38 ynne i sngi.
Neidaw wa sdang hær wot ko, da em ko leh boon i phñiang khamtam deiwa lai jngai cha London.
Ki Video da pynyoo wa kani ka lieñsuiñ da hær ko hajan bha i khyndaw wa antaad du kamwa 825ft wei ym ye ko wow ku chajrong.
Ki Video wa da poor da pynyoo wa joor bha i tdem wa mih wei ki kari tympleh diñ deilang ki Ambulance dapoi ki ha ini i thaw.
Ka Directorate General of Civil Aviation (DGCA) da pyntikna ko wa u Pilot kani ka lieñsuiñ da pyntip u wow paan yarap namo ka MAY DAY cha ka Air Traffic Control (ATC) mar hadien wa hær ko.
Ka khubor wa tikna da ong wa da haap ko ha ka Hostel ka Medical College heiwa da em da ki phaw ngut kiwa da yap wa kiwa mynsoo.
Ka Air India da kubur ko yeiwa jia heiwa u pilot yong ka toh u Captain Sumeet Sabharwal u Line Training Captain uwa da pynhær ya ki lieñsuiñ la 8,200 kynta hei kaam yong oo.
Ka DGCA da sdang ko ya i takit wei ki bru ka Aircraft Accident Investigation Bureau (AAIB) leh da lai ki cha ini i thaw.
Discussion about this post