Ka Central Bureau of Investigation (CBI), Guwahati da kem ko ya ki ar ngut kiwa da chah pynbaad wa kyntup ya u Professor of Zoology uwa man leh u Dean of School of Life Sciences, North Eastern Hill University, Shillong wa uwi u bru paidbah uwa kam kam u tre kawi ka yung krehkaam (Firm) kawa na Guwahati, Assam uwa tip kam u Pranjal Sharma uwa na Beltola, Guwahati heipor wa baam tangka Rs. 3.43 lak ha Guwahati University Guest House, Guwahati.
Ya ka Case da Register da ka CBI ha ka 11-06-25 pyrchah ya uni u Dean ka NEHU uwa tip kam u Prof. Nirmalendu Saha, hadien wa tip wa deilang wa u Sharma da ya krehlang ki wa kiwi ki bru wym tipmit yow leh ya ki kaam pyrchah aiñ deiwa yoh yarap na u Professor yow jop ya ka Contract Supply ya ki Scientific Equipment, ki tiar hapoh ka Laboratory wa kiwi de wei wow pynsmat u pynlait ya ka Bill.
Kamtæ ka CBI manda tip yeini da yangkhap ko wei da yoh ko wow kem ya kini ki bru heipor wa wan pynbaam tyngka wei da rah ki hakhmat ka yung bichaar ynne ka sngi.
Da lai kynreh leh ya ar tylli ki thaw heiwa da chem ya ki kot ki sla kam ki sabut wei dang kynreh leh sa ha iwi i thaw.
Ka takit dang lai ko chakhmat.
Discussion about this post