Jowai: Ka ñiaw vote ynne ka sngi da man ko kawa chongchit heiwa ki paidbah ka ri da kyruin ki cha ki kattu katni ki Constituency khamtam ka Amethi wa em ha Uttar Pradesh.
Kani ka Constituency toh kawa da jooh yoh MP da ka Congress heiwa da jooh man MP u Sanjay Gandhi, u Rajiv Gandhi ka Sonia Gandhi wa u Rahul Gandhi.
Ha kani ka kynti ka yakhun da man ko du hapyrdi ki ar ngut, u Rahul Gandhi ka Congress uwa da man kam u MP na kani ka Constituency la le samoi kattu (15 snem) wa ka Smriti Irani yong ka BJP.
Hadien wa da ñiaw ya ka vote ka Smriti Irani da man ko kawa jop heiwa u Rahul da pdiang u wa da chah rem u heipor wa yaklam u wa kiwa pathai khubor ha yung krehkaam ka Congress ha nongbah Delhi.
U Rahul da e khublei u ya ka Smriti deiwa kyntu ya ka wow chakri bha ko ya ki paidbah ka Amethi deiwa e khublei leh ya ka BJP kamjooh leh u Narendra Modi u wow man biang kam u Montri Rangbahdooh ka ri.
Ha iwi i liang u Rahul da yaleh u na ar tylli ki Constituency wei kani kawi toh ka Wayanand kawa em ha Kerala heiwa da jop u da kamwa palat 4 lak tam Vote.
Discussion about this post