Shillong: U Montri Rangbah ka jylla u, Dr. Mukul M Sangma ynnin da wai u ya ka Mawphlang Community Health Centre (CHC) hei emlang u montri ka tnat Urban Affairs, u R.V. Lyngdoh, u MLA ka Mawphlang u Kennedy Khyriem wa u MDC ka Mawphlang Diengiei Constituency u L. Blah ha Mawphlang.
U Dr. Mukul hei klam da pynsñiaw u yei mynsien wa kmen hadien wa yoh u wow wai ya kani ka thaw sumaar hanlada ya u moo-yurim da booh 17 snem nachwa.
Da ong u wa boon hi ki ri kiwa da roi ha pyrthai dang chem chitom ki wow pynbiang ya ki laad sumaar cha ki paidbah wei ka jylla Meghalaya hanla chem ko chiboon i eh i khoo da yaleh ko u pynbiang yeiwa emkaam ha kani ka liang.
“Kamwa man ha kiwi tawon ki jylla ka ri, heiwa ki CHC wa ki thaw sumaar man ki kiwa duna neidaw wa duna ki doctor, wa ki specialist wei i wym pynemkaam hok ya ka poisa paidbah man i iwa bakla,” da ong u Dr. Mukul.
Heijooh i por da ong u wa ka Meghalaya Health Insurance Scheme (MHIS) man ko ka scheme ka wow yoh yarap chiboon ya ki paidbah deiwa kyntu wow chim kabu ki ya kani ka scheme.
Kiwi kiwa da klam ha kani ka sngi toh u R.V. Lyngdoh, u Kennedy Khyriem, u L. Blah, wa kiwi kiwi.
Discussion about this post