U Symbood Montri Rangbah uwa pait leh ya ka chnat PWD (Roads), u Prestone Tynsong da ong u wa i chna pynmiat ya ka yingkieñ ha Dwar Ksuid da man iwa lai bait chaaid chaaid boi pyn ha ki 3 sngi wow wan daw ye biang ki kari u lai lait noh kiwa khia.
Da ong u wa u sarok Shillong Bypass da pait da ka National Highways Authority of India (NHAI), wei neiliang ka sorkar da phah ko ya u Project Director ka NHAI wow em bait ha ini i thaw wow pait ya i kreh khnang wow man ko kawa biang wei wow ye u pyndep hapoh i por.
Heiyatoh wa i chna ya ka yingkieñ thymme, u Montri da ong u wa i kreh ya ka yingkieñ wa thymme leh da lai i chaphrang wei da pyntip u wa neiliag u Contractor da kular u wow pyndep ya i kreh ya ka yingkieñ wa thymme hapoh 4-5 bnai.
Heiyatoh wa ka yingkieñ Umïam næ ka yingkieñ Dam da ong u wa ya kani ka Project ka NHAI da e kti noh ko ha ka National Highways and Infrastructure Development Corporation, wei da ong u wa neiliang ka sorkar da em i thmu leh wow chna noh da ka sarok ‘Four Lane’ nadooh Umiam cha Shillong lada yoh thaw, deiwa pynrap wa hanla ym yoh thaw wow chna, daw chna bait ya ka Four Lane wei kani u man ko na Shillong Eastern Bypass ka wow mih cha thaw Mawdiangdiang wei cha Shillong.
