Shillong: Hadien chi sngi wa ki pulit ka Anti-Narcotics Task Force (ANTF) da yoh kem ki ya ki le ngut kiwa khayi drugs na thaw pynyieñ kari ka Bethany Hospital, ynne i sngi won ki pulit da yoh kem biang ki sa uwi u suba dai drugs na Nongkseh, Laimer, Shillong.
Ki pulit ryngkat wa ki bor chnong hadien wa yoophylla ki yei lai i wan uwi u briew da ieñ ki oo wei da yoh kem ya uni u bru heipor 1:45 nohchariñ ka sngi. Katkam wa khana ki pulit uni u bru da tip kam u Ridap Thangkhiew 27 snem i rta, uwa dai drugs na Nongkseh, wei da yoh ar tin Golden i drugs wa khia 1.51 gram wa ka poisa T. 4,166.
Ki pulit da chim noh ki ya ka kari Alto wa pynemkaam u kawa em u number ML-05M-1145, kawa man leh yong kawi ka manbei.
Ya uni u bru da ekti noh cha ki pulit ka Jhalupara Beat House wow pynman yei takit wa bniah.
Also Read: Chah kem le ngut kiwa suba dai drugs na thaw pynyieñ kari ka Bethany Hospital, Shillong
Discussion about this post