Hadien i chong kyllaiñ myngor ki soo seiñ khut yaklam u HDR Lyngdoh ya ki

Shillong: Ki seiñ kiwa pyrchah ya i chna luti rel ha Ri-Bhoi District da maham ki wow pynkhor yei yakhih lada u Montri Rangbah ym khut yaklam u ya ki.

Ynne ki soo tylli ki seiñ kiwa kynthup ya ka Federation of Khasi-Jaintia & Garo People (FKJGP), Hynniewtrep National Youth Front (HNYF), Ri Bhoi Youth Federation (RBYF) wa ka Confederation of Ri Bhoi People (CoRP) hadien wa chong kyllaiñ myngor ki ha Shillong da yachem ki wa u HDR Lyngdoh wow yaklam hei yatoh wa ini.

“Daw chah pynbor i wow dawa naka sorkar jylla wow e yeiwa dawa i” da ong u president ka FKJGP u Wellbirth Rani hadien kani ka yalang heiwa da ong u leh wa u Lyngdoh daw e wyrta u cha u Dr. Mukul heiyatoh wa ini.

“Da kyntu i leh ya oo (Lyngdoh) wow pynsmat yei yaklam wa waroh ki seiñ kamjooh leh ya ka Khasi Students’ Union (KSU),” da ong u Rani wei da dawa leh ya ki pulit wow dam noh u kdong ya ki dkhot ka KSU.”

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Neiliang ka HNYF u General Secretary yong ka u Sadon Blah da ong u wa daw chim ki ya ka rai hadien ka yalang wa u Dr. Mukul hei yatoh wa ka luti rel da ong u wa ym em u yaklam ki chaphang yong ka katwa ym pu booh ya ki laad wow pait yei psiah i mih ki baar jylla.

Hadooh wa man katni ka sorkar ympu em u chynna yei chna ko ya ki Entry/Exit Points namo wow pynkrehkaam ya ka Meghalaya Residents Safety & Security Act, 2016,

Da pyntip leh wa i slem wow khut yaklam daw pynsih chooh chooh ko ya i chongsuk chongsaiñ.

U Rani da ong u leh wa u Home Minister da pyntip u wa i kem toh ya ki bru samen kiwa emkti hei pynthut yei suk i saiñ wei ymtoh ya ki dkhot ka KSU.