15 49.0138 8.38624 1 0 4000 1 https://wyrta.com 300 0
Advertisement ad1
Advertisement ad1
Advertisement ad1

Hadien i chong kyllaiñ myngor ki soo seiñ khut yaklam u HDR Lyngdoh ya ki

0 Comments
Advertisement ad1
Advertisement ad1
Advertisement ad1

Shillong: Ki seiñ kiwa pyrchah ya i chna luti rel ha Ri-Bhoi District da maham ki wow pynkhor yei yakhih lada u Montri Rangbah ym khut yaklam u ya ki.

Ynne ki soo tylli ki seiñ kiwa kynthup ya ka Federation of Khasi-Jaintia & Garo People (FKJGP), Hynniewtrep National Youth Front (HNYF), Ri Bhoi Youth Federation (RBYF) wa ka Confederation of Ri Bhoi People (CoRP) hadien wa chong kyllaiñ myngor ki ha Shillong da yachem ki wa u HDR Lyngdoh wow yaklam hei yatoh wa ini.

Advertisement ad1
Advertisement ad1

“Daw chah pynbor i wow dawa naka sorkar jylla wow e yeiwa dawa i” da ong u president ka FKJGP u Wellbirth Rani hadien kani ka yalang heiwa da ong u leh wa u Lyngdoh daw e wyrta u cha u Dr. Mukul heiyatoh wa ini.

“Da kyntu i leh ya oo (Lyngdoh) wow pynsmat yei yaklam wa waroh ki seiñ kamjooh leh ya ka Khasi Students’ Union (KSU),” da ong u Rani wei da dawa leh ya ki pulit wow dam noh u kdong ya ki dkhot ka KSU.”

Neiliang ka HNYF u General Secretary yong ka u Sadon Blah da ong u wa daw chim ki ya ka rai hadien ka yalang wa u Dr. Mukul hei yatoh wa ka luti rel da ong u wa ym em u yaklam ki chaphang yong ka katwa ym pu booh ya ki laad wow pait yei psiah i mih ki baar jylla.

Hadooh wa man katni ka sorkar ympu em u chynna yei chna ko ya ki Entry/Exit Points namo wow pynkrehkaam ya ka Meghalaya Residents Safety & Security Act, 2016,

Da pyntip leh wa i slem wow khut yaklam daw pynsih chooh chooh ko ya i chongsuk chongsaiñ.

U Rani da ong u leh wa u Home Minister da pyntip u wa i kem toh ya ki bru samen kiwa emkti hei pynthut yei suk i saiñ wei ymtoh ya ki dkhot ka KSU.

Advertisement ad1

0 Comments

Leave a Reply