Hadien ka 15 sngi, ye wow pynyinsur yei khang u wanrah yaki dakha na baar jylla

Shillong: I pteiñ wow khang wow dai dakha wa da wanrah na baar jylla da ktah bha ko ya kiwa khayi wa kiwa baam dakha ka jylla.

Hajrong ini i chem wa da em dawai formalin ki dakha, ka sorkar jylla da phah ko ya ki tnat wow takit neiwon wan kini ki dakha wa em dawai.

Hawa yaklam wa u montri ka tnat dakha kabjylla, u Comingone Ymbon da ong u wa ka sorkar da phah ko ya ki sahep wow thooh bniah ki wa ya kiwa wanrah ya i dawai formalin wow e ha kini ki dakha.

“Hadien wa chem yeiwa sakhiat, daw leh i yeiwa emkaam wot hadpoh wow pynchitom ya kiwa emkti wow dung dawai ya ki dakha,” da ong u Ymbon.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

U Montri da ong u wa da phah thooh bniah toh hadien wa kiwa khayi dakha, khamtam na Arunachal Pradesh da kyntait ki wa da pynemkaam dawai formalin.

Hawa jubab yeiwa kylli kiwa pathai khubor wa lada ini khang wow wanrah dakha na baar daw pteiñ i hadien ka 15 sngi, u Montri da ong u wa ka tnat daw khut yalang biang ko wow pait yeini wei lada emkaam daw pteiñ i khang wow wanrah ya ki dakha na baar jylla.

“Da phah ya ki sahep wow e ki ya ka bui wa bniah, hanlada pynyinsur wow khang yei dai dakha, tangwa daw pteiñ u sylli (test) ya ki,” da ong u Ymbon.

Da ong u leh wa ki paidbah ymtoh u tieñ ki wow baam dakha na ka jylla Meghalaya neibhah wa man ki kiwa chngaaiñ wow baam.