Hadien wa da pynman ya ka Bike Rally deiwa rahlang ki lama rong yong ynne i sngi ha kylleiñ ka nongbah Shillong, ka KSU da pynbna ko wow pynman sa ka yakhih deiwa lai kjat mynstep ka sngi na Jaiaw cha Khyndai Lad.
Yeini da pynbna da u President ka KSU, u Raymond Kharjana ynne ka sngi ha Jaiaw, hadien wa da pyndep yei lai Rally da ki ar chaka.
Da pyntip u wa i lai Rally daw man ko heipor 10:00 waje i step na Jaiaw cha Khyndai Lad wei daw pynman leh ya ka yalang paidbah ha Khyndai Lad.
Ini waroh da jia hadien wa kut ka 15 sngi wa e por ya ka sorkar hajrong ki 5 tylli ki mat dawa nadooh wow pyndam ya ka Public Hearing ha Shree Cement, u Suspend ya u DC wa u SP ka East Jaiñtia Hills kamjooh leh ya ki sahep ka MSPCB.
Neitæ u pynkhooid yei rukom thung kreh ha MPSC, DSC, u pynkrehkaam ya ka MRSSA 2016, i pynbait yei rukom thungkreh ha NEIGRIHMS kamwa da kular wei wow pynkylla ya ka Meghalaya Identification, Registration (Safety & Security) of Migrant Workers Act, 2020.
Ynne ka lai Rally da sdang ko na Jaiaw, ter ter cha Mawlai, Lumdiengjri, Rhino, Barik, Laitumkhrah, Nongthymmai, Rynjah, cha Nongmensong, Golflink cha Mawlai deiwa poi biang ha Jaiaw.
Discussion about this post