Sñiawsih wei sñiawkhia ka KSU yeiwa jia heipor wa pynman Bike Rally, da pynsangeh leh yei lai Rally cha Khyndailad

Kiwa yahkhmat ka Khasi Students Union (KSU) da pynsñiaw ki yei sñiawsih wei sñiawkhia hajrong iwa da jia hei lai Bike Rally ynne ka sngi deiwa ong wa em ki bru wa chimkabu.

Hawa klam wa kiwa thoh khubor, u President ka KSU, u Raymond Kharjana da ong u wa ka seiñ sñiawkhia joor ko yeiwa jia kawa ye u man wa em ki bru wa chim kabu wei da pynbna u leh wa ya ka Rally lai kjat kawa da mut wow pynman ha ka 20 tarik na Jaiaw cha Khyndailad, da pynsangeh noh tangwa daw pynman noh da ka Sit-In-Demonstration ha Khyndailad wei kiwa daw chimbynta toh du ki dkhot ka Central Executive Committee (CEC).

U Raymond da pynsñiaw u yei sñiawkhia wei sñiawsih wa khroo hajrong iwa da jia deiwa ong wa hei yong sakhiat ka seiñ da phah ko ya ki chnat wa ki dkhot wow man kiwa jai-jai ha ka Bike Rally wei da pynsñiaw u wa em i duna iwa da pynman ya ki bru wow chimkabu ha kani ka lai Rally kawa jai-jai.

Da ong u wa i pynman ya ka Public Rally da man pathan ko kam wow e laad ya ki bru chimkabu heithaw wow jop ya ki mat wa yakhun wei na kini ki daw da pynsangeh chwa ya ka Rally deiwa pynman noh da ka Sit-In-Demonstration donhi.

Related posts

I maham ya kiwa pynyap beiñ ya ki doh um ha tymbud ka Wah Myntang hapoh ka Elaka Nartiang | Da pynbna leh ar tylli ki Fish Sanctuary

October 5, 2026

Maham yakhih chah thngan kiwa yah kari ka Star Cement neidaw wa joor chah lehbeiñ ha ka Company

October 5, 2026

Chooh chooh da ong u wa ka seiñ daw paan bor ko na ki bor District kamwa jooh leh ha kini ki sngi yow pynman ya ki yalang ha kylleiñ ki thaw.

Hadien iwa jia nei pynman Bike Rally ka KSU ha Shillong heiwa da chah tympiah ki kari ka sorkar, ki kari kamai, ki kari ki bru samen, da mih iwa boon kiwa beiñ yeini wa da jia.