Hadien ka Christmas daw booddien ka sorkar jylla ya i dawa ILP naka sorkar pyrdi: Lambor

Shillong: U Chairman ka State Planning Board, u Lambor Malngiang da ong u wa ka sorkar Meghalaya Democratic Alliance (MDA) daw lai booddien ko cha Delhi neibynta ka rai wa da chim da ka yung dorbar ynnin ka sngi, wow pynkrehkaam ya ka Bengal Eastern Frontier Regulation 1873 næ ka Inner Line Permit (ILP).

Hawa klam cha ki laad pathai khubor ynne ka sngi, u Lambor da ong u wa nadooh ka sngi wa nyngkong, da yaklam da ya phyllu yumut lang kam ka Meghalaya Democratic Alliance (MDA) ha i yachem wa u montri ka chnat kaam pohyung ka ri u Amit Shah wow dawa pyllait lut ya ka Meghalaya na ka aiñ Citizenship Amendment Act 2019 wei kattu u lai boodien cha Delhi wow yoh ya ka mynjur ya ka ILP, hanlada ym pu tip mynnu u e ka sorkar pyrdi yaka ILP.

Da kyntait u ya i pynbaad u Dr. Mukul Sangma wa ka Agatha K Sangma ka MP ka NPP wa kyrchaan ko yaka CAB ha Parliament wei da ong u wa kiwa pynbaad ym em ap bha ki yei klam yong ka waroh nadooh wa sdang hadooh wa kut neibhah wa ka Agatha ka da dawa ko wow pyllait ya ka CAB na waroh kawi ka jylla Meghalaya waka thaaiñ mihsngi.

U Lambor da ong u hanla ki bru woh nia ki tangwa em u i kyrmen ha i lai luti hadooh katni daw yoh ya i dawa ki paidbah ka jylla.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Da ong u wa ka MDA ka da yatylli wow chim yaka rai da ka yung dorbar ya ka ILP hadien wa da yaklam ha Delhi wei toh leh ka sorkar kawa ap ya i sur u paidbah.