U Lat ka jylla, u Tathagata Roy ynne hawa e i klam ha ka dorbar mang tyngka ka jylla, da ong u wa i kajia pood hapyrdi ka Assam wa ka Meghalaya da booddien bha yeini neipor cheipor.
Da ong u wa ka jylla da wanrah ko ya kani ka kaam wa ka sorkar Assam wow wanrah ya ka Status Quo ha ki thaw kajia khnang wow lait na iwon iwon i jia wa sñiawsih.
U Lat da pyntip u wa ka sorkar jylla da kyntu ko ya ka sorkar Assam wow pynman noh da ka yalang hapyrdi ki montri rangbah ki ar jylla hajrong u pood u ang mar dep kani ka dorbar ha u Naitung 2020.
Hajrong ki kaam pynroi da pyntip u wa ka Meghalaya Integrated Transport Project toh sa kawi ka Externally Aided Project (EAP) wa yarap poisa da ka World Bank wa kynjoh i lut kamwa T. 984 klur.
Ki bynta wa kongsan tam toh i chna sarok, yingkieñ khamtam ki sarok Major District Road (MDR) wa ki State Highway heiwa daw kynthup leh ya ka Shillong View Point Ropeway Project, Umiam Lake Ropeway Project wa Nokrek Peak Ropeway Project.
Hajrong i pynkrehkaam ya ka PMGSY, u lat da ong u wa ka Meghalaya da yoh ko chiboon i yarap poisa ha u 2018-2019 wa 2019-2020 wei kani ka poisa da kynjoh ko T. 1729.37 klur.
Ka mang poisa na ka Ministry of Road Development neibynta ka jylla Meghalaya yong u 2020-2021 toh T. 600 klur heiwa da booh thong wow pyndep i kreh 1200 km wow pynyabi ya ki 50 chnong.
Da pyntip u leh wa T. 657.06 klur da pynlait da ka sorkar pyrdi hapoh ka Saubhagya Scheme neibynta ka jylla heiwa ki wow yoh myntoi na kani ka Scheme toh 1,99,839 tylli ki manyung wei u pyndep yei kreh toh chwa ka 31 Wisu 2020.
Discussion about this post