Kiwa ha yung yong ka bru wa chah tynyap pyn ha u kurim yong ka uwa man u baar jylla iwa da jia ynnin ka sngi ha Ri-Bhoi, da ong ki wa uni u bru da tip pyrtuid ya oo kam u Dil Bahadur Thapa wei da jooh mlien u wow dat ya ka nadooh wa dang yalai chan ki wei ya kani ka bru da tip pyrtuid kam ka Nisha Nongbet.
Katkam wa ong ka Beikha ka Nisha, ka Maris Marsing, da ong ko wa ka Nisha da lai sah ko wa uni u baar jylla cha Nongpoh wei da khih mylla ko leh ha ini i chnong wei u Thapa da dat jooh dat u ka nadooh wa ya chong ki tangwa ym jooh em kana ko.
Da ong ko wa hadien wa pteiñ i chah lehbeiñ ka Nisha wei ym em neh chah de ko, da phah wan thooh ko ya ka ha u payu yong ka yow liwan chnong tangwa uni u damok da bood u ka wei da yang bait u ka.
Ya i metyap ka Nisha da tlep ynne ka sngi ha Loom Tlep ka chnong Iewmawlong hadien wa chem yei metyap ko na rood sarok ka chnong Pahamsyiem hawa lai kreh mylla ko.
Neiliang kiwa hayung hasem da pynsñiaw ki yei sñiawsih wa khroo hajrong ini i jia wei da beiñ ki leh ya u Bahadur wa da chim u ya i mynsien yong ka.
Da kyntu ki leh ya ki bor ka aiñ wow pynchitom ya oo deiwa khor wei wow kset ya oo chi rta ha patok.
Puræ leh: Chah tynyap ka kynthai wa dang 19 snem pyn ha uwa ya sahlang ha Pahamsyiem, Nongpoh
