Kawi ka kynthai wa dang 19 snem i rta da chah tynyap ko ha uwi u bru uwa ya sahlang ko la kamwa 5 bnai kattu. Ini da jia i ynne ka sngi ka 26 tarik ha chnong Pahamsyiem wa haap hapoh ka Nongpoh Police Station.
Ya i metyap kani ka kynthai da chem na sarok ka chnong heiwa neiliang u waheh chnong da pyntip noh u wut-wut cha ki pulit kiwa da wan chimkti ya kawa da khlaad.
U SP ka Ri-Bhoi District, u Giri Prasad da ong u wa heipor kamwa 12:00 waje i sngi da yoh yutip wa em i metyap ha sarok ka chnong Pahamsyiem, wei ki pulit da lai ki wut-wut cha ini i thaw wow pynman ya i takit.
Da ong u wa hadien wa takit ki pulit ka Nongpoh da lai kem noh ki ya uni u bru wei da pynngat ya oo ha ki kyndon aiñ wei i takit katni dang lai i chaphrang.
