Hadien wa lute wei wow ksih tynyap ya u Manager Petrol Pump noh ki damok ya oo cha synrang

Jowai: Ynne i sngi ki pulit ka EJH da yoh ki u kem ya uwi na ki le ngut kiwa lute ya u Manager ka Petrol Pump wa em ha Lumshnong.

Heipor 11:55 waje i sngi ki pulit da yoh phone ki na u Sandeep Kr. Verma wa uwi na ki Manager yong ki u Bhole Ram katwa dang mih u na ka Petrol Pump kawa em ha Ratacherra yow lai cheiliang Khliehriat da kawi ka kari Alto K10 wa yah da u Ashiq Uddin wei manda poi ki ha Pathar Quarry Lumshnong kawa em ha NH-44 da chah lute u ha u Ahiq Uddin wa ki arngut ki lok u ki wympu tip pyrtuid.

Kini kiwa lute da ksih ki ya uni u Manager na rdang wei da noh ki oo cha synrang wei da chim ki leh ya ka poisa wa T. 4 Lak wa em ha oo.

Uni u Manager won hadien wa che yong bru u da ye u wow mih neithaw wa chah noh u wei da lai bait u cha ka Petrol Pump u wa em ha Lumshnong wei da pyntip ya iwa jia cha ki pulit.

Related posts

Chah ah khlieh uwa na India ha US hadien wa mih i kajia neidaw ka Washing Machine

September 12, 2025

Le snem phah kset ka yung bichaar ya uwa pyrchang wow slaitbor ya ki le ngut ha Iawthymme

September 11, 2025

Neiliang ki pulit ka Khliehriat chisien wa tip ki ya ini da yang ki ya kani ka kari wei da yoh kem ya ka na Lad Sutnga heiwa ya uwa yah kari (Ashiq Uddin) da yoh kem ya oo katwa ki arngut ki lok u da yoh ki u yut.

Ya ka poisa wa chah lute leh da yoh biang ka wei ya ka takit u leh da ki pulit ka Lumshnong Police Station.