Ka Umiam Dam kawa man leh heijooh i por kam ka yingkieñ toh kawa da sdang u chna ha u snem 1958 wei da ye u pyndep ha u snem 1965, wei ha kini ki snem wa da lai da kyrchaan ko yei lai i wan kiwa boon tylli ki kari khlem sangeh iwa da pyntlot yei bor ko.
Kamtæ katni i kreh iwa da leh toh iwa tip kam ka Dam Rehabilitation Improvement Project (DRIP) wei hapoh kani ka DRIP da pynchna yow pynkhlan yaka Dam kamjooh leh ya kiwi kiwa yabi waka.
Iwa boon i kreh wa da leh toh deiwa siam thlu yow pyndap khyndaw-bilat ha ki thaw wa da kaad wa piah kamjooh wow pynchkeh ya kiwa da tlot deilang ya ki kor wa em ha kani ka Dam.
Kamwa man kattæ i kreh wa da pyndep toh 60% heiwa hadien wa da dep u pyndap ya kiwa kaad da piah da chem wa i pai um da duna bha i wei ini da yooluti u pyndep noh haka 30-06-24 wei hadien ini daw wai ka yow lai ki kari.
Kiwi ki jait kreh wa da leh toh yow rah chajrong ya kani ka yingkieñ yow ye u kylliang ya ki Bearing kani ka yingkieñ wei hadien wa dep u leh yeini daw pynhiar biang ka kamwa jooh man ko.
Hadooh ka 30-06-24 ki kari wa chah u lai toh kiwa khia hadooh 4MT donhi tangwa hadien kani ka sngi u chah u lai ki kari wa khia hadooh 12MT donhi yow pyntikna wa chkeh wei neh slem kani ka yingkieñ.
Discussion about this post