15 49.0138 8.38624 1 0 4000 1 https://wyrta.com 300 0

Hadien wa rem u kyrtong Dy. Chairman ka NPP, mih ki na dorbar khlem yoh pynman yaka pynyoo bor

0 Comments
Advertisement ad1

Jowai: Ynne ka sngi ha GHADC da pynman yaka Election jied ya u Deputy Chairman heiwa u kyrtong ka NPP u Augustine Marak da rem u ha u kyrtong wa kyrchaan ka Congress u Mettrinson Monin da 13 la 15 Vote.

Haka thap Vote u Chairman ym em thap u wei da pynbna u wa u Momin da yoh u 15 Vote katwa u Marak da yoh u 13 Vote wei da em kawi ka Vote kawa chah kyntait kawa thap bakla.

Advertisement ad1

Hadien ini, ki MDC ka liang synchaar wa yahkhmat daka NPP da mih ki naka yung dorbar kawa da chimbynta lang wa u Chairman ka GHADC hachwa wow pynman yaka pynyoo bor hadien wa wanrah ka Congress yaka No Confidence Motion pyrchah yaka EC wa yahkhmat daka NPP kawa toh u pynman ynne ka sngi.

Ini i jop u kyrtong wa kyrchaan ka Congress da pynman yaka NPP wow pyrkhat wa daw man ka EC kam ka khian paaid haka pynyoo bor wei hei yahkhmat u CEM u Dipul Marak da mih syndet ki naka yung dorbar heiwa ha i thap Vote ym duna ya 5 ngut kiwa naka liang synchaar da thap Vote ki cha u kyrtong ka liang pyrchah kiwa em 20 ngut haka liang synchaar wa kynthup ya u Chairman.

Neiliang ka Congress da ong ko wa i mih u Chairman naka yung dorbar man ko wow booh nongmuna wa sih bha neibhah i kaam yong oo toh ym toh wow lehchilliang.

Hadien ka Election Deputy Chairman, u Chairman ka GHADC da pynktu syndet u yaka dorbar.

Neiliang ka liang pyrchah da ong ki wa ym ieh wow kut kani ka kaam du kamni wei daw dawa ki yaka Special Session yow pyndep yaka No Confidence Motion.

0 Comments

Leave a Reply