Shillong: U Montri Rangbah ka jylla, u Conrad K Sangma da ong u wa ka sorkar dang pteiñ ko wow booddien yei man i long ka jylla, hadien wa pynsñiaw ki paidbah yei emkaam wow wai biang ya i khayi pateiñ ha ka jylla, wei kamjooh leh ki laad yada ha kini ki por wa em kiwa wan uiñ cha chnong na baar jylla.
Da pyntip u leh wa mynstep daw yaklam ka sorkar wa ka KHADC, ka Hima Mylliem kamjooh wa ka Deputy Commissioner wow pyrkhat kammon wow wai biang ya ka Iewduh wa kiwi ki yaw ha nongbah Shillong deiwa pyrkhat leh yei chait i khiah.
Chooh chooh da ong u leh wa ka sorkar da pyrkhat ko leh kammon wow lai chakhmat hadien wa da wan uiñ lut waroh ki tre Meghalaya na baar jylla, neibhah wa ka sorkar thmu ko wow pynlait lut ya kiwi kiwa kwah wow wan emkaam cha jylla wa kynthup ki sahep sorkar.
Heiyatoh wa ki bru wa dang sahkut ha Meghalaya, u Conrad da ong u wa i phah ya kini ki bru toh lyngba ki bus kiwa wan chapoh jylla wei ye ki leh wow liwan da ki kari yong ki hi.
Heijooh i por da ong u wa kiwa wan kreh cha kani ka jylla, em leh kiwa da sdang biang ya ki kreh yong ki neibhah ka sorkar da pynyinsur ko ya ki kyndon khang chnong deiwa pynrap leh wa nadooh wa sdang ka sorkar da klam che ko wa ympu chah ko ya kiwi ki wow wan kreh na baar jylla chapoh Meghalaya wei du kiwa da em chwa ka Lockdown u ye ki wow kreh.
Discussion about this post