Jowai: Neiliang ka CoHSO da pynsñiaw ko yei kmen wa ka Rajya Sabha ym em mynjur ko ya ka Citizenship (Amendment) Bill.
Kamwa man katni lada u President ka Ri India ym khut u ya ka Joint Parliament Session, ka Citizenship Amendment Bill u yap noh (lapse) neibhah ka samoi yong ka Lok Sabha da kut noh ko.
“Ini man i jop ka jaitbru Ynñiawtrep wa ka thaaiñ North East hi waroh kawi. E khublei i leh ya waroh kiwa da kreh chitom wow pyrchah ya kani ka Bill khamtam ki MP, ki montri rangbah, ki montri, ki MLA, MDC, ki party, ki seiñbhalang na poh ka Bri u Ynñiawtrep wa na baar yong ka, wa kiwi kiwi,” da ong ka CoHSO.
I jop pyrchah ya ka CAB wa ka BJP man ko i jop ya ka thma wa khian wei ka thma wa heh hi toh wow pynneh ya ka jaitbru Ynñiawtrep, da ong ka CoHSO.
Da ong ko leh wow yaleh ko wow dawa pynman aiñ ya ka ILP, NRC wa kiwi kiwi chwa wow chah thombor biang ha ki party na thor.
Kani toh katkam ka khubor na u Robert June Kharjahrin uwa man kam u Chairman ka CoHSO.
Discussion about this post