15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Hadien wa yarap tiar ya ka China, wan thooh ka India ya ki 112 ngut na Wuhan

0 Comments
Advertisement ad1

Ka lieñsuiñ C-17 Globemaster ka Indian Air Force ynnin da mih ko na Palam Air Force Station, New Delhi wei da kit ko ya ki tiar sumaar wow yarap hadooh 15 ton ya ka Wuhan, China wei da uiñ won ko ynne deiwa kit 112 ngut ki nong India wa na kiwi ki ri. 

Kani ka lieñsuiñ da poi ko ha nongbah New Delhi ynne i step heipor kamwa 6:30.

Neiliang u montri ka kaam baar ri ka India, u S. Jaishankar da ong u wa ki tiar yarap toh wow pynyoo wa ka India leh em ko ryngkat wa ka China ha ini i yakhun pyrchah ya u COVID-19. 

Da ong u leh wa hadien wa uiñ ko da kit ko leh ya 76 ngut ki nong India wa 36 ngut na ki 7 ri.

Kini ki 36 ngut toh kiwa na Bangladesh, Myanmar, Maldives, South Africa, USA wa Madagascar.

Hadien wa da poi ki da khangkset (Quarantined) lut ya waroh ki 112 ngut wa ki wakreh (Crew) ha kani ka lieñsuiñ.

Ki tiar wa da e sñiawbha toh ki masks, sapkti, wa kiwi kiwi. 

Share this:
Previous

La palat 2,747 ngut wa yap ha China, poor u COVID-19 cha ki palat 78,640

Next

JSU: Yi wa emkti wow baam tooh ya ka poisa ka JHADC?