Katwa dang lai ki por ki sngi i shynchaar khadar hapoh Jaiñtia Hills Automous District Council (JHADC), ka dang sih dur chooh chooh i.
Ynnin ka sngi ki wakreh ka Council da lai ki syndet syndet cha kamra krehkaam u CEM, u Thombor Shiwat wow dawa tulop kawa da sah la kamwa 6 bnai kattu.
Hajrong ini i man i long hapoh ka Council, ka Jaiñtia Sudents’ Union (JSU) Central Body da pynsñiaw ko yei diaw mynsien wow yoo yei eh i khoo wa chem ki wakreh ka Council.
Ka seiñ da dawa ko leh na u CEM wow su noh ya ka tulop yong ki wakreh wei heijooh i por daw yachem ko leh ya u montri ka DCA wow pynkrehkaam da ka Administrative Rule ha JHADC khnang wow pyndooh noh yei eh wa yachem ka Council.
Neiliang ka JSU da ong ko wa da chemdien ko wa joor i khayi tooh ya ki dieñ wa ki rngaw wei ini man i iwa joor kiwa kit da ki truck kiwa ym duna ya ka 50 tylli chimiet man ka sngi.
Kamtæ ka seiñ da kylli ko cheiwon wiar kani ka poisa wa toh u yoh ka Council wei iyi myntoi u em ki thaw kynreh yong ka kiwa em ha tymbud u sarokbah.
Yi wa emkti wow baam tooh ya kani ka poisa ka JHADC?
Da maham joor ko leh ya ki bru samen kiwa leh ya kam ya kini kiwa pyndooh nong ya ka JHADC wei da maham ko leh wow e ya ki cha ki bor ka aiñ.
Discussion about this post