Hadooh 100 tre ki dieñ thung ka Loomkyrwiang UPHC lyngba ka JAS ha Riat Iong Iam

Ynne ka sngi ka Jan Arogya Samiti (JAS) ka Loomkyrwiang Urban Primary Health Centre (UPHC) da pynman ko yei thung dieñ ha Riat Iong Iam (ha ka luti wow lai cha Syntu Ksiar).

Ka JAS toh ka Committee wa sdang hapoh ka Ayushman Bharat wow pait u sylli yei bha i miat heiyatoh wa i chait i khiah ha ki chnong ki thaw.

Chwa wow pynman yei thung dieñ da em ka yalang wa tbian heiwa da yoh i klam waiphang na u DH Pde uwa man u Waheh Chnong ka Chiliangraij kamjooh leh kam u Chairman ka JAS.

U DH Pde hawa e i klam waiphang da ong u wa da pynman yeini i thung dieñ toh neidaw wa joor i kylla i chit ka pyrthai namo ka Global Warming heiwa da chah ktah bha ki khynnah nei sih ka la’ær kamtæ da pynman yeini i thung dieñ.

U Lammat oo Laloo, Waheh Chnong ka Loomkyrwiang kamjooh u dkhot ka JAS da yooluti u wa lyngba ini i thung dieñ daw neh i naam ka JAS deiwa yooluti leh wow neh ki dieñ yow yoh ya ka la’ær wa pyngngaad ha ki por wow wan.

Ka Dr. R. Passah wa man kam ka M.O. Incharge ka UPHC wei kam ka dkhot ka JAS da e khublei ko ya ka JAS wa pynman ko yei thung dieñ deiwa pynrap wa emkaam u pynneh pynsah ya ka mariang khnang wow yoh ya ka la’ær wa khooid khamtam ka Oxygen.

Da yooluti ko wa ini i krehlang chirup lyngba ka JAS daw man iwa jop wei wow pteiñ i ha ki por wow wan khnang wa ka imlang sahlang u yoh ki yei kooid i pliah.

Related posts

Yoo chyrkhei ki tiar yasiat wa yoh kem na ki 17 ngut kiwa pynleh kam ki dkhot ki seiñ kieñ suloi ha Manipur

October 25, 2026

Mar ya sdang ya ka Jaintia Artist Association yoh yarap Rs.10 lak na ka sorkar

October 25, 2026

Ha kani ka sngi da yoh i ngooh Blai na ka Soneeta Passah kawa man ka Head Teacher kamjooh ka dkhot ka JAS wa ki kyntien khublei na ka M.F. Tariang ka Staff Nurse wei kam ka Secretary ka JAS.

Ha kani ka sngi da thung hadooh kamwa 100 tre ki dieñ.