Sa ha Jowai pynman ka JSM ya ka yakob thoh chithi cha u CM yow khana yei chah ktah nei khang tih mooyong

Ka Jaintia Students’ Movement (JSM), lyngba ka chnat krehkaam, ka Education Cell Central Executive Committee, hadien wa da pynman ya ka Letter Writing Competition ha Eastern College Khiehriat, East Jaintia Hillls ha ka 20 tarik uni u bnai, ynne won da pynman biang ko ya kani ka jooh ka yakob thoh chithi ha Auditorium ka District Library Mynthong, Jowai neibynta ki khon khynroo khyllood ka Ri Jaiñtia.

Ka phang yong kani ka yakob thoh chithi toh kawa ong: “Ka jingktah ka jingkhang dewïong bad ka jinghiar ha ka ioh ka kot ha Ri Jaiñtia,” heiwa ya ki chithi daw phah cha u Chief Minister ka Meghalaya.

Ki khynnah puræ kiwa ye wow chimbynta ha kani ka yakob man ki nadooh ka Class 10, 11, 12 wa ka kyrdan puræ Undergraduate wei da chah wow thoh ki dei ktien Khasi wa English.

Ka seiñ da ong ko wa da slem da pynman yakhih ko wow dawa pynkhian ya ka thaw tih mooyong na 100 Hectare cha ka 4 Hectare wei wow e yarap cha ki manyung kiwa da chah ktah nei chah khang i tih mooyong deilang wow wai ki laad yow khih mooyong da ki tre paar wa khian.

Related posts

Yoo chyrkhei ki tiar yasiat wa yoh kem na ki 17 ngut kiwa pynleh kam ki dkhot ki seiñ kieñ suloi ha Manipur

October 25, 2026

Mar ya sdang ya ka Jaintia Artist Association yoh yarap Rs.10 lak na ka sorkar

October 25, 2026

Ka JSM da e khublei kyrpang ko ya waroh ki khynroo khyllood kiwa da chimbynta ha kani ka yakob deiwa ong wa i chimbynta yong ki pynyoo ko yei chlur, i kitkhlieh wa i angnood wow pynsñiaw yei sur yong ka Ri Jaiñtia.