Jowai: U Union Minister of State for Development of North Eastern Region (I/C) u Dr. Jitendra Singh ynne ka sngi pynlait u yaka thup wa le (Third Issue) ka Newsletter ka North Eastern Council (NEC) Shillong, Ministry of Development of North Eastern Region (DoNER).
U Secretary, NEC, u Ram Muivah wa u Secretary (DoNER) u Dr. Inder Jit Singh da emlang ki ha kani ka sngi. Kani ka Newsletter wa pynlait ynne ka sngi toh wow pynkynmoo ya ki kaam wa da leh ka North Eastern Council nadooh u Naiynru (July), 2018 hadooh u Wisu (March), 2019 wei ya kani ka Newsletter daw booh leh haka NEC website www.necouncil.gov.in.
Hawa pyllait yaka Newsletter, u Dr. Jitendra Singh da yaroh u ya ya ki wakreh ka DoNER wa NEC yeiwa krehchitom ki u pynku yaka kyrdan im ki bru ka jylla ka thaaiñ mihsngi ka ri. Da ong u wa hapoh i yahkhmat u Prime Minister, u Narendra Modi, ka thaaiñ mihsngi em ko hakhmat dooh yaka sorkar wow pynku yaka.
Da ong u leh wa ka sorkar wa thymme leh yaleh ko wow pteiñ ya ini iwa da kreh chwa ha kini ki 5 snem wa da dep. Ha u Naiynru, 2018 da pynthymme yei rukom krehkaam ka NEC deiwa thung ya u Home Minister kam u Chairman, NEC wa u MoS (I/C) DoNER kam u Vice-Chairman, NEC. U Dr. Jitendra Singh da pyntip u leh wa u Union Minister u Amit Shah dawa man u kam uwa chongknor haka Plenary Session ka NEC ka wow pynman haka 3 wa 4 taik u Naisaphar (2019) ha Guwahati.
Ka North Eastern Council (NEC) toh kawa da seiñ hapoh ka North Eastern Council Act, 1971 kam ka chnat krehkaam ka wow wanrah yaka roi ka paar ha ki 7 tylli ki jylla ka thaaiñ mihsngi. Hadien ini da pynkylla (Amendment) yaka aiñ NEC Act ha u Kmaichonglaad (December), 2002, heiwa ka Sikkim da man ko kam ka jylla wa 8.
Ha kini ki 47 snem, ka NEC da embynta ko wow seiñ yaka NEPA, NEEPCO, NERAMAC, NERIST, RIPAN, NERIWALM, RIMS wa kiwi kiwi.
Ki kattu katni ki kaam wa heh wa da ye ka NEC u pynkrehkaam man ki kamni hawah:
- Iwa nyngkong toh wow chan ya ki sarok iwa ktah ya i khayi pateiñ wei da chna waroh 10,911 Km ki sarok daka poisa wa e ka NEC cha ki jylla.
- Ha i liang ka bordiñ, ka NEC hadooh katni da pynmih bordiñ ko 694.5 MW na ki Power Plant waphær waphær wei da taan sainar bordiñ wa jrong 9202 Circuit Km.
- Ka NEC leh da embynta ko wow pynku yaka kaam puræ puthi, i chait i khiah, ka rep ka riang, ki kaam uiñke suwari wa kiwi kiwi.
- Da sdang leh wow kreh neibynta ki 11 tylli ki Inter-State Bus terminus (ISBT) ha kiwa boon ki jylla heiwa 9 tylli toh kiwa da pyndep katwa ar tylli ha Meghalaya wa Manipur toh kiwa dang chna. Yow pynsuk won yei kit ya ki mar, da dep chna ya ki Inter State Truck Terminus kiwa em ar tylli ha Assam wa ka wi ha Nagaland.
- Da chna wei da pynbha pynmiat wei da pynku kyrdan ya ki Airport hapoh kani ka thaaiñ kam ka Guwahati, Dibrugarh, Jorhat, Imphal wa Umroi deiwa krehlang waka Airport Authority India heiwa da su 60:40 (60% da ka NEC wa 40% da ka AAI). Na kini waroh da dep chna ya yaka LGBI Airport, Guwahati waka Jorhat Airport.
Ka NEC jooh yachem ko ar sien chi snem heiwa ynnin u snem da pynman yaka ha ka 8-9 tarik u Niaynru, 2018 ha Shillong katwa ka Plenary Meeting ka NEC daw pynman ha u Naisaphra ha Guwahati (Assam) uni u snem.
Discussion about this post