15 49.0138 8.38624 1 1 4000 1 https://wyrta.com 300 0

Hadooh 1191 ngut kiwa yoh myntoi wow seiñkhih ha EJH wa WJH

1 Comment

Shillong: I khang yei tih mooyong da ka NGT hapoh jylla kawa da wanrah ko yei boon i dooh khih, kamtæ ka chnat Labour Department lyngba ka Meghalaya State Skill Development Society (MSSDS) chirup wa ka Aide et Action (NGO) da pynman ki ya ka Community Mobilisation Drive wa ar tayaw ha u Naisan 2019 wow pynsñiawthooh paidbah khamtam kiwa chah ktah nei khang u tih mooyong wow sikai ya ki ya ki rukom seiñkhih.

Ka thong wa leh ya kani ka esikai toh wow pynche paidbah ya ki thong yong kani ka programme kawa yaleh u batai ya ki laad yarap na ki chnat sorkar wow ye ki u seiñkhih.

Advertisement ad1

Ha kani ka Community Mobilisation Drive, da yaleh wow kynjoh cha ki paidbah ki ar district deiwa pynman ya i psiah ha waroh ki manyung, ki awareness programme, poster campaign wa ki mobile announcement dei kyrchaan ka Directorate of Information & Public Relations.

Kiwa yoh myntoi na kini ki awareness programme da em kamwa 1191 na ki 1606 tylli ki manyung heiwa da em 147 ngut kiwa da pynpsiah pyrtuid (register) wow chah hikai ki kam ha ka Integrated Farming, Service Sector Trades kam ka Hospitality, Security Guard, General Duty, Assistant, Fashion Designing, Integrated Farming, Pottery, Native Crafts wa kiwi kiwi.

Kiwa chimbynta da pynchlur ya ki wow chim kabu na kini ki esikai wa yoh ki wei wow lai ha ki yung krehkaam u DC ha kawon kawon ka sngi Tuesday nadooh 10:00 waje i step hadooh 4:00 waje i janmiet wow yoh ya ka yutip wa bniah.

Advertisement ad1
Advertisement ad1

1 Comment

  • June 12, 2019 at 5:14 pm
    Ebormi lyngdoh

    Pls notify me some news and all..tq

    Reply

Leave a Reply