15 49.0138 8.38624 1 1 4000 1 https://wyrta.com 300 0

Ki kattu katni chaphang ka Scheme Pension ka sorkar pyrdi ka PM-SYM

2 Comments
Advertisement ad1

Shillong: Ka Scheme ka sorkar pyrdi kawa tip kam ka Pradhan Mantri Shram Yogi Maan-dhan (PM-SYM) man ko ka bai baam tymmen kawa ye u yoh kiwon kiwon ki bru wa kreh mylla, kiwa chong dai rood sarok, kiwa kreh yung bru, ki warep wa kiwi kiwi ki kreh wa kreh ki dei yong ki samen kiwa em 18 hadooh 40 snem wei kiwa kamai hapoh T. 15000 chapoh haka chi bnai.

Kiwa yaleh ya kani ka Scheme ym toh u em ki hapoh ka National Pension Scheme (NPS), Employees’ State Insurance Corporation Scheme (ESIC) wa Employees’ Provident Fund Organisation Scheme (EPFO) wei ym toh u man ki kiwa su Income Tax.

Kiwa yoh myntoi na kani ka Scheme hap thap poisa ki man ka bnai katkam wa da booh hadooh wa dap ki 60 snem wei hadien ini daw yoh ki yaka Pension man ka bnai kawa ym duna yaka T. 3000 chi bnai. Lada khlaad u næ ka wa yoh Pension na kani ka Scheme ki kurim yong ki won daw yoh ki 50% naka Pension kawa jooh yoh u/ka wa yoh myntoi heipor wa dang im ki.

Kiwa em pyrtuid hapoh ka Meghalaya Building & Other Construction Workers’ Welfare Board (MBOCWWB) ye ki leh wow yaleh ya kani ka bai baam tymmen deiwa thap pyrtuid deiwa lai cha ki Common Service Centres wa em chajan ki heiwa ka poisa wa hap ki u thap man ka por daw e da ka MBOCWWB.

Manda lai thap pyrtuid hapoh kani ka Scheme deiwa lai cha ki Common Service Centre (CSC) emkaam ya u Aadhaar Number wa ki Savings Bank Account/Jan-Dhan Account Number deiwa e bor leh yaka sorkar wow ah ko man ka bnai yaka poisa naka Bank Account deiwa pyndap yaka “Consent form for auto-debit facility”. Waroh ki yung krehkaam ka LIC, ki EPFO/ESIC leh bien ki wow yarap ya kiwa kwah u thap pyrtuid ya kiwa kwah u yoh myntoi na kani ka Scheme.

Yow tip rap bniah ya kani ka Scheme ye u lai cha ki CSC, yung krehkaam ki Labour Welfare Office wei lada em kawon kawon ka ujor ye leh u phone ha u Toll Free Number 1800 2676 888.

Advertisement ad1

2 Comments

  • June 13, 2019 at 4:17 pm
    Sainki talang

    Ga wa kwah wow join ia ka ni kascheme pension ,ha jowai hai won ka office kreh Kam iongka ,

    Reply
  • June 13, 2019 at 4:17 pm
    Sainki talang

    Ga wa kwah wow join ia ka ni kascheme pension ,ha jowai hai won ka office kreh Kam iongka ,

    Reply

Leave a Reply