Hadooh 16 ngut ki MDC ki wym chaniah de ya ka EC u PN Syiem ha KHADC

Shillong: I man i long ka saiñpyrthai ha Khasi Hills Autonomous District Council (KHADC) da nang joor i pynkhih kyllooh waroh chitayaw da kiwa boon ki MDC wow pynhaap noh ya u PN Syiem kam u CEM.

Ynne ka janmiet 16 ngut ki MDC ka KHADC da lai yachem ki ya u Montri Rangbah ka jylla, u Conrad K Sangma yow tuklar ka sorkar ya ka kaam ha KHADC, wow khut ya ka dorbar kyrpang ha ka KHADC neibhah wa ym chaniah de ki ya ka Executive Committee ka People’s Democratic Alliance (PDA) wa yahkhmat da u PN Syiem kam u CEM.

Kini ki MDC kiwa lai wow yachem ya u Conrad kynthup ki 5 ngut na ka UDP, 4 ngut na ka NPP, 3 ngut HSPDP, 3 ngut PDF wa uwi u MDC samen.

Kini ki MDC da dawa ki naka sorkar wow kyntu ya u Lat lyngba ka tnat DCA wow hukum u wow khut noh wow pynman jhan ya ka dorbar kyrpang neibhah u PN Syiem da dooh u yei boon paaid.

Related posts

Ya ka Election cha GHADC daw pynbna hadien ka Delimitation

April 15, 2026

Baam smai u Samrat Choudhary kam u CM wa thymme ka Bihar

April 15, 2026

Hawa yaklam wa kiwa pathai khubor, u MDC ka NPP da ong u wa emkaam jhan wow khut ya ka dorbar kyrpang neibhah da em ka kynrum kynram kawa chyrkhei ha ka kaam poisa poilaiñ ha ka KHADC.

Da pynbaad u wa u PN Syiem da thung da pynhaap EM u khlem kiwon kiwon ki daw wei ya kani ka EC da leh u dei mon yong uwi donhi u bru wei da ong wa i rukom thap rukom sai ya ki EM kam ka Grace Mary Kharpuri wa ya u James Sylliang man i iwa da lait.

Katkam wa kam kini ki MDC toh wa ha KHADC kawa em 29 ngut ki MDC, 16 ngut ym chaniah de ki ya i yahkhmat ya u PN Syiem.