15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Ka Meghalaya toh kawa le ka jylla ha ka thaiñ mihsngi wa em ya ka HRC

0 Comments

Tura: Da pynman ya ka esikai hajrong ka Human Rights ynne ka sngi kawa da pyllai da ka Meghalaya Human Rights Commission (MHRC) ha DRDA Conference Hall, West Garo Hills District, Tura.

Ha kani ka sngi da em u PJP Hanaman, uwa jooh man kam u DGP warim wa u dkhot ka MHRC, A Mawlong, Secretary to the Government of Meghalaya, MHRC, u Pravin Bakshi, Deputy Commissioner, WGH, Tura,u  Dr. MG Raghavendra Kumar, Superintendent of Police, u SG Momin, uwa jooh man u IGP warim wa u President ka Nokma Council, Tura, ki sahep sorkar, ki pulit, ki khynnah skur, wa kiwi kiwi.

Kam u kongsan u Dr. Justice AH Saikia da ong u wa katkam ka Article 51 yong ka Constitution da ong wa waroh kiwa chong chnong ka ri toh u bood ki ya ki aiñ, u yada ki ya i chong suk chong saiñ, u burom iwi ya iwi. Hei yatoh wa ka Human Rights,u Dr. Saikia da kyntu u ya waroh wow yarap ya kiwa emkaam yarap.

U PJP Hanaman da pyntip u ya ka riti synchaar yong ka MHRC ya kawa da chna katkam ki kyndon ka Section 21 yong ka Human Rights Act 1993 deiwa ong wa ka jylla Meghalaya toh kawa le ha ki thaiñ mihsngi hadien ka Assam wa Tripura kawa da chna ya ka Human Rights Commission (HRC) yow yada yei hok samen yong uwi pa uwi u bru.

Ha kani ka sngi kiwi kiwa da klam toh u Superintendent of Police, West Garo Hills, Dr. MGR Kumar wa u Additional Deputy Commissioner, WGH, Tura u AVD Shira.

Share this:
Previous

Da sdang ka 2nd Badminton Tournament yong ka East Jaiñtia

Next

Hadooh 18 Lak tam booh thong ka tnat Election ka jylla wow poi kiwa thap vote ha u 2018