Jowai: Hadien wa maham kiwa boon ki seiñ saiñhima ka Nagaland wym chim bynta ki ha kani ka Election MLA ka wow pynman ha ka 27 tarik tangwa ym ye ki u ksoh yeini heiwa da thap pyrtuid 257 ngut ki kyrtong wa kynthup ya ki 5 ngut ki kynthai.
Na kini ki 5 ngut ki kynthai arngut da pynyieñ ka NPP, ka NDPP da pynyieñ ko kawi kamjooh ka BJP wei da em sa kawi ka kyrtong samen.
Kiwa boon dooh ki kyrtong na ki 60 tylli ki Constituency toh kawa pynyieñ da ka NPF 50 ngut pynbood won saka NDPP 40 ngut, NPP 27 ngut, BJP 20 ngut, INC 20 ngut, JD-U 15 ngut, NCP 6 ngut, AAP 3 ngut, LJP 2 ngut wa 17 ngut ki kyrtong samen.
Hawa pynman ya ka sylli ya ki kot ki sla namo ka Scrutiny yong ki kyrtong da yoh 227 ngut wow yakhun Election katwa 29 ngut won da chah kyntait ki katwa ya uwi u kyrtong daw chong bichaar biang ya ki kot ki sla yong oo ha kani ka 10 tarik.
Ka tarik wa khaddooh wow ran dien da booh ha ka 12 tarik uni u bnai, ka sngi thap Vote ha ka 27 tarik katwa ka sngi ñiaw Vote won ha ka 3 tarik u Wisu (March).
Discussion about this post