15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1
Advertisement ad1

Hadooh chi lak tylli ki COVID-19 Test da ye u leh ha ka chi sngi ha India: Dr. Harsh Vardhan

0 Comments

U montri ka chnat i chait i khiah ka sorkar pyrdi namo ka chnat Health & Family Welfare (MoHFW) ynne da ong u wa i rukom pynkhreh wei rukom yakhun ka ri ya ka khlam u COVID-19 man i iwa khroo neibhah hanlada ku kiwa yoh ya uni u khñiang leh, kiwa khlaad na oo da hiar i da 3.1% wei i yukheiñ yong kiwa da chait (Recovery Rate) won da ku i da 37.5%. 

Da pyntip u leh wa katkam wa man ynnin em du 3.1% kiwa dang chah ktah ha u COVID-19 kiwa em ha ICU, 0.45% kiwa emkaam wow pyndait Ventilators wa 2.7% won wa emkaam yarap la-ær Oxygen. 

Advertisement ad1

U Dr. Vardhan da ong u wa hadooh ynne ka 17 tarik da em 90,927 ngut kiwa da chah ktah ha ka ri wei na kini em 34,109 ngut kiwa da chait wei 2,872 ngut kiwa da khlaad wei ha kini ki 24 kynta da em 4,987 kiwa dang yoh thymme ya u COVID-19.

Chooh chooh da ong u wa da ye u pyndep hadooh 1,00,000 test ha ka chi sngi lyngba 373 tylli ki laboratory sorkar wa 152 tylli ki yong ki bru samen (Private Laboratories). 

Waroh ki test wa da leh da em ki 22,79,324 tylli neibynta u COVID-19, heiwa du ynnin da leh hadooh 90,094 tylli ki test. 

Da pyntip u leh wa ha kini ki 24 kynta wa da lai, ha ki 8 tylli ki jylla ym em wa dang yoh thymme ya u COVID-19 wei kini kynthup ki ya ka A&N Islands, Arunachal Pradesh, Dadra & Nagar Haveli, Chandigarh, Ladakh, Meghalaya, Mizoram wa Puducherry. Wei ka Daman & Diu, Sikkim, Nagaland wa Lakshadweep ympu em u chah ktah ki ha uni u khñiang. 

Previous
Next

0 Comments

Leave a Reply