theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1
Advertisement ad1

Yoh kem ki pulit ka East Jaiñtia ya u nong Bangladesh wa uwa yah kari ya oo

Advertisement ad1

Hei step ka 28 tarik, heipor kamwa 6:30, ki pulit ka East Jaiñtia Hills da yoh yutip wa tikna ki wa em ki nong Bangladesh kiwa daw pyrchang u psiah pyrchah ya ka aiñ lyngba ki khloo ha ki bynta wym pu em kær pood, kamtæ ki pulit ka Umkiang PPP hei yahkhmat u SI. S. Buam wa ki pulit ka Ratacherra Anti-Infiltration Check Post wa yahkhmat da u SI. E. Pohchen deiwa krehlang wa ki BSF ka Umkiang BOP da yoh ki wow kem ya uwi u bru uwa da mih napoh khloo najan ka chnong Pyrtakuna wei da psiah u sak hapoh kawi ka kari Alto kawa em ya u Number AS-11CC-4582.

Kini hadien wa yoo ki ya ki BSF da yut ki da ka kari heiwa da kdong ya ki hadooh Kuliang heiwa da kem ya uwa yah kari wa uwi wa chong hapoh.

Hawa takit ya uwa yah kari uwa pyrtuid Warif Uddin Laskar uwa na Sarapur, Gumrah, Assam ym ye u wow e jubab deiwa biang katwa uwa chong won hapoh kari da tip u wow klam du dei ktien Bengali. Tangwa deiwa yarap kiwa chong chnong da yarap wow yaklam heiwa da chem wa i pyrtuid u toh u Masum Uddin uwa na Bangladesh wei da khana u wa daw em leh kiwi ki nong Bangladesh kiwa da thmu wow psiah chapoh India pyrchah ya ka aiñ tangwa da yut biang ki chapoh khloo mar ya yoo ki ya ki BSF.

Heiyatoh wa ini da pyntip cha ki BSF chaphang ini yow lai thooh ki chapoh khloo ya kini kiwi.

Katwa ya uwa yah kari wa uwa wan na Bangladesh da rah ya ki cha Lumshnong PS yow leh yeiwa emkaam wei da pynngat hapoh ka aiñ Foreigners Act hapoh ki kyndon 13 wa 14.

Ha kini ki 52 sngi, da dep wow yoh kem la 26 ngut ki nong Bangladesh kiwa da psiah pyrchah ya ka aiñ cha India kiwa da chah kem hapoh East Jaiñtia Hills District wei da em 4 tylli ki Case wa da dep Register wei da leh katkam ki kyndon ka aiñ.

Share this:
Previous

Hadooh chwa wow khlaad dang khuslai u Bah RG ya ka jylla   

Next

I-Day Cup U-17: Jop ka Mookyndur, Panaliar, Dulong waka Mulang