15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Hadooh kamwa T. 28 lak baam i diñ ya i yung ka kong Lapasam

0 Comments

Jowai : I yung ka kong K. Lapasam iwa da baam lut ka diñ ynnin i janmiet ha chnong Mowkaiaw da pyntip kiwa ha yung ha sem wa da suba ki wa da iñ ki wire light iwa da sdang ya ini i diñ.

Da antaad wa waroh i lut da kynjoh hadooh T. 27-28 lak heiwa waroh da baam lut i diñ nadooh u kba, ka poisa wei heipor wa sdang ini i diñ em ki khynnah wa dang kyndehke ha ini i yung tin heiwa ki waheh boon em ki ha i yung khyndawbilat.

Kiwa ha yung da sdang ki u suba wa em wa rap phær na i sma wa mih na ini i yung heiwa nyngkong ym em chem ki iyi iyi leh tangwa hadien wa thooh bniah ki da chem ya i diñ wa da sdang kyr-ooh.

Kamtæ da pynmih nyngkong ya ki khynnah wa em ha ini i yung wei da sdang u tympleh ya i diñ.

Da ong wa nei yarap ki paidbah da ye u tympleh ya i diñ katwa ka kari Fire Brigade da poi ko hadien wa da pleh i diñ.

U R. Shylla, Secretary ka FKJGP, Jaiñtia Hills da ong wa ini pynyoo wa ka sorkar ym em pyrkhat ko ya ki paidbah heiwa ka Fire Bridge haap wan beh ko nadooh na Jowai wei man leh iwa sep-ai, kamtæ emkaam wow em ki Fire Brigade kamwa em boon hi ki Police Station.

Da kyntu u leh ya ka sorkar wow yarap ya kani ka manyung neibhah da boon wa da dooh ki ha ini i jia.

Previous
Next

0 Comments

Leave a Reply