Hadooh katni dang da ki aiñ ka Assam pynkrehkaam ha JHADC, ong u Meiowan Pasi

U kyrtong ka UDP na 17-Nangbah Mihmyntdu, u Meiowan Pasi, ynne da wan u wow thap pyrtuid yow yaleh Election MDC cha ka JHADC.

Da khana u wa i thmu yong oo wow yaleh Election toh yow pynbha pynkhlan ya ki aiñ ka Council kiwa da em chwa deiwa e nongmuna wa ki aiñ wa da em kattæ toh kiwa pynbood (Adopt) donhi da ki aiñ yong ka sorkar Assam kiwa yatoh yei khyndaw u chyiap kawa man ka aiñ kawa nadooh u snem 1886.

Kamtæ da emkaam wow yoh da ki aiñ kiwa yatoh wa i rukom man cha i hi.

Heiyatoh waka aiñ thung waheh chnong kawa da pynkrehkaam nadooh u snem 2015, da ong u wa ym pu em won chna sa ki Rules kammon u krehkaam kani ka aiñ.

Related posts

U ya krehlang wa u MLA yow wanrah ya ka roi ka paar, ong u kyrtong ka NPP na Shangpung Constituency

January 31, 2025

I pynkhreh Election toh da ki kreh wa da wanrah ya ka roi ka paar: Winning G Sungoh

January 31, 2025

Ha kawi won ka liang da ong u wa i rukom tip i ya ka dustur riti yong i toh deiwa hiar pateiñ deiwa khana pateiñ tangwa ym em ka aiñ wow pynskem ya ka dustur riti yong i wei yeini waroh da e bor ha ki District Council lyngba ka Sixth Schedule wow chna ki aiñ wow yada yeini waroh nadooh ki um ki wah, i khyndaw u chyiap wa ki khloo ki kjam.