Hadooh Rs. 42 lak e yarap u Nana Patekar cha ki manyung wa chah ktah ha ka Operation Sindoor

Ka seiñ u Nana Patekar, ka Nirmala Gajanan Foundation, da kreh ko wa ka Indian Army wow e Rs. 42 lak cha ki 117 tylli ki manyung wa chah ktah ha Rajouri wa Poonch District kiwa da chah dat Bomb heipor ka Operation Sindoor.

U Nana uwa man leh u Actor wa yoh ya ka National Award da ong u wa waroh kiwa chong chnong ka ri toh u e yarap ki kamni neibhah kini leh man ki payu chynrang kynthai wei emkaam u yarap mar kylliang ya ki.

Da yaroh u leh ya u Johnny Lever wa jooh yarap ya ki para bru deiwa ong wa kiwon kiwon kiwa kreh ha ki phlim kiwa e yarap ym kwah ki yei burom wei u Johnny man u uwi na ki.

Chooh chooh da ong u wa ka sorkar da leh ko chiboon tangwa ymtoh wow chaniah du ha ka wei da sñiawkmen u wow ye u yarap ya kiwi tawon. 

Related posts

Dawa ka seiñ na Garo Hills wow khang yei dai yei “Sting” hadien wa em u khynnah skur wa yap

August 13, 2026

Kiwa yaleh MCS daw hap ki u tip bniah chaphang ka Meghalaya | Mynjur ka sorkar leh yei dan wa yatoh wa i kiad

August 13, 2026

Ha ini i e yarap da embynta leh wa ka Indian Army heiwa da em leh kiwi ki dkhot ka Foundation heipor wa lai ki cha Rajouri Garrison ha ka 22 tarik.

Ka Nirmala Gajanan Foundation, toh ka seiñ hei pyrtuid ka bei wa u pa u Nana, ka Nirmala wa u Gajanan, kawa kreh ha i puræ puthi wa i chait i khiah.