Khut ka Seiñ Kur Dkhar ya ki khon ka kur wa em ha Jaiñtia Hills wow wan cha ka Dorbar Pyllun

Ka Seiñ Kur Dkhar Jaiñtia Hills Central Body kawa kduplang ya waroh ar tylli ki District ka East Jaiñtia Hills wa ka West Jaiñtia Hills daw pynman ko ya ka yachemlang ki para kur da ka Dorbar Pyllun (General Meeting) ha ka 27 tarik uni u bnai September 2025 heipor 11:00 waje i step ha Yungwalieh ka Tpep-Pale Dorbar Chnong Jowai.

Ha kani ka yachemlang ki para kur daw yoh laad ki u yatipmit iwi yei wi wa na kawi ka chnong cha kawi ka chnong, khamtam u lait nei chongsang chongma, nei sih i roi wa boonjait yong ka pyrthai.

Kamtæ ka Kur Dkhar dei mynsien wa maya khut kyrpaad ko ya phi waroh ki para kur Dkhar kiwa chong wa sah hapoh ka Jaiñtia Hills wow sñiawbha phi u chim ya kani ka pynbna wa pathai cha phi ha man uwi pa uwi næ kawi pa kawi ka para kur Dkhar u yawan cha kani ka Dorbar Pyllun dei wow pynlait phi yei por wa kordor yong phi khnang wow man ka kur kawa ya maya kawa yatylli, kamjooh leh u yoh yei sneiñ i kroo na ki waheh wasian yong ka kur.

Ki mat wow yaklam:

1. Ka Dorbar Bah ha East Jaiñtia Hills.

2. Yeiwa chim kur kiwi na ka kur Dkhar (wa phah cha ka JHADC)

Related posts

Wan rep ki Karbi da ka Tractor, maham lai pynsangeh kiwa chong chnong ka Lapangap

June 8, 2026

Na ki 350 tylli ki Truck wa lai cha Bangladesh lyngba ka Dawki ha chi sngi, hiar cha 25 tylli hadien wa pynmih hukum ka HC

June 7, 2026

3. Ka Census Kur

4. Kiwi.

I pyntip lyngba u General Secretary ka Seiñ Kur Dkhar Jaiñtia Hills Central Body, u Hamjhan H Dkhar cha phi waroh ki para kur yoh phi u yatiplang.