Hadooh Rs. 90,000 u e yarap poisa cha kiwa chongdai madan ha ki thaw wa man sor

Ka Scheme ka sorkar pyrdi kawa e yarap poisa lyngba ka ram kawa tip kam ka PM SVANidhi Scheme kawa pynkrehkaam hapoh ka State Urban Livelihood Mission, Urban Affairs Department ka sorkar Meghalaya toh kawa man kyrpang ya kitu kiwa chongdai madan ha ki thaw wa man sor yow ye ki wow pynheh pynsan yei khih ki.

Kani ka ram hei sien wa nyngkong ye u chim Rs. 15,000 wei hadien wa dep u su ya kani daw ye u chim hei sien wa ar Rs. 25,000 wei hei sien wa le won Rs. 50,000 hadien wa dep u su ya ka ram wa ar iwa dapoi waroh Rs. 90,000 ka poisa wa yoh yarap.

Yow chim ya kani ka ram ym emkaam u pynchah bynda iyi iyi wei ka sut man ko 7% donhi.

Ya ka ram hap u su man-u-bnai wei kitu kiwa ye u su heipor wa biang daw ye ki wow yoh ya kani ka ram waroh kawa Rs. 90,000.

Related posts

Kyntait u Prestone wow pyndam næ kyrriah ya ka Shillong Ropeway Project

November 13, 2026

Chah e FIR sa u Chairman ka Greentech deilang ki dkhot ka JAC

November 12, 2026

Yow yaleh ya kani ka Scheme emkaam ka Xerox Copy kawi na kini EPIC/PAN Card/Aadhaar Card wa ka sla wa nyngkong ka Bank Passbook.

Kitu kiwa chongdai ha Jowai ye ki wow Phone ha ini i Number: 9233267575 lane wow lai cha ka yung krehkaam ka Jowai Municipal Board.