Ki pulit Central Armed Police Forces (CAPF) toh ki chnat pulit ka India kiwa pait ya i chongsuk hapoh ka ri kiwa em hapoh ka Ministry of Home Affairs wei kini kynthup ki ya ki Border Security Force (BSF), Central Reserve Police Force (CRPF), Central Industrial Security Force (CISF), Indo-Tibetan Border Police (ITBP), National Security Guards (NSG) wa kiwi kiwi.
Kini ki pulit hapoh kini ki chnat leh da chah ktah ki ha ka khlam COVID-19, wei em leh kiwa da khlaad.
Katkam ka yukheiñ wa e u Minister of State for Home Affairs, u Nityanand Rai ha Lok Sabha ynne, ki pulit CAPF hapoh kini ki chnat wa da chah ktah ha u COVID-19 hadooh ka 14.09.2020 man ki kamni hawah:
| Name of the Force | Number of Covid cases | Death rate in % | Recovery rate in % |
| BSF | 8934 | 0.26 | 80.41 |
| CRPF | 9158 | 0.39 | 84.04 |
| CISF | 5544 | 0.43 | 75.25 |
| ITBP | 3380 | 0.21 | 69.79 |
| SSB | 3251 | 0.22 | 70.77 |
| NSG | 225 | Nil | 76.44 |
| ARs | 1746 | 0.40 | 61.63 |
Da pyntip u leh wa ka sorkar da booh ko ya ki COVID-19 Hospitals, Covid Care Centres wa Dedicated COVID Health Centres (DCHC) wow sumaar ya ki pulit CAPF wa chah ktah ha u COVID-19.
Lada jia wa khlaad ki, da rai wow e T. 15 Lak cha kiwa hayung lyngba ka “Bharat Ke Veer” lada jia wa yoh COVID-19 ki heipor wa kreh ki ya ki kaam wa kani ka khlam (Covid-19 related duties). Da pyllait leh ya ka poisa wow pyndep ya ka lehniam wa khaddooh wa kamjooh leh da pynsmat ya ki kaam wow yoh yarap ka yung ka sem.
