Hadooh T. 2.36 klur sah ka bai wai wow yoh ka SMB na ka HM Cement

Shillong: U montri ka tnat kaam pynroi sor wa pait ya ka Municipal u Hamletson Dohling da ong u wa ka Company HM Cement ym em su bai wai ko cha ka Shillong Municipal Board kawa em ha Jail Road, kawa da kynjoh cha T. 2.36 klur.

Hajrong ini, neilang ka Municipal da thoh ko cha kani ka Company yow phah jubab wa neiyi i daw wym su ko ya ka bai wai wei haap ko u jubab hapoh 90 sngi.

“Ka Company HM Cement ymye ko u pyndep ya ka kular kamwa da ya soi waka Municipal. Ka baiwai kawa khlem u su hadooh katni da kynjoh ko cha T.2.36 klur kawa man T.72 lak chi snem,” da ong u Hamlet.

Kam wow pynkynmoo wa ka tnat pynroi sor da yasoi soskular ko wa ka Company HM Cement wow chna ya ka Hotel lyngba ka Public Private Partnership (PPP) heipor wa man montri ya kani ka tnat sorkar da u Paul Lyngdoh ha u snem 2011. Katkam ka soskular, ka HM Cement u pynlai ko ya kani ka Hotel 30 snem.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Ha iwi i liang, u Hamletson da pyman u ya ka sylli ya ka yungkrehkaam ka Municipal, wei da ong u wa ka thaw sah kawa em ha Lumpynngad em ko 84 kynrad kawa da chna wow pynsah ya kiwa kreh tangwa da pynman thaw kreh ya ka da ka Municipal neibhah wym pu dep u chna ya ka yungkrehkaam yong ka kawa em ha Jail Road, Shillong.

Heijooh i por, da ong u wa i thmu wow wan sylli ya kani ka yungkrehkaam toh wow yoo dei khmat yei man kani ka thaw wei wow yachem wa ki wakreh neibynta wow pynbha ya i rukom krehkaam kani ka tnat.