Shillong: U Montri ka tnat Revenue wa Disaster Management u Kyrmen Shylla da pyntip wa de em hadooh 237 tylli ki chnong kiwa da chah pynjæd tympra wei kamwa 2,500 tylli ki manyung kiwa da chah ktah hei bom u phria wa ka la-ær yong kawa da jia ha ka 30 u Wisu ha kylleiñ ki chnong ha ka jylla wa kynthup ha West Khasi, West Jaiñtia, East Garo wa North Garo Hills.
U montri da ong u wa ya katni ka sorkar dang yang ko wow yoh yei yukheiñ na waroh na ki BDO, DC yong ka jylla wa chah ktah wei da pyntip u leh wa u Montri Rangbah da khut yalang wa jhan u ha ka 31 Wisu wow yoh yukheiñ yow ye u e yarap smat cha kiwa chah ktah.
Da pyntip u leh wa ka sorkar da booh ko T.20 lak ha man ki yungkrehkaam Deputy Commissioner neibynta wow e yarap smat ya ki bru wa yachem kam kini ki jia wei daw e chooh ka poisa lada dang emkaam.
Discussion about this post