Jowai: U Phasmon Dkhar u MDC ka Musniang-Rngat ynne ka sngi da wai paidbah u ya ka madan yaleh Football kamjooh leh ya ka lympung yaleh bol wa tip kam ka 1st Cash Prize Knockout Football Tournament ha dong Umchangpet, Wapung Skur.
Kani ka madan toh kawa chna deiwa sai poisa na kata u Phasmon wei da yarap poisa leh u pa yong oo hadien wa ki paidbah da kyrpaad ki wa kwah madan ki.
Neiliang u Phasmon da pyntip u wa da lut kamwa T. 80 lak wow pyn madan ya uwi u loom da ki kari pooh-chiloom wa chimpor kamwa ar bnai.
Da pyntip u leh wa ki paidbah da hun mynsien ki yeiwa leh uwa mihkhmat yong ki neibhah kam u MDC ki Scheme wa yoh naka Council toh kiwa khian bha wei da sñiawngooh ki yeiwa leh u nadooh ki waheh wa sian ka chnong, ki manbei manpa wa da yoh madan ki khynroo ka chnong wow pynpliah yei sap yong ki.
Da yooluti ki wa daw chakri chooh chooh u kamjooh ya waroh ka Constituency wow pynman sakhiat ya waroh ki kular yong oo.
Ha kani ka sngi da wan synran ya u MDC da u Dame L Rymbai, u Cheerful Ryngkhlem wa ki khynroo wa e buit budia ya u MDC ha ka synchaar khadar.
Ha kani ka 1st Cash Prize Knockout Football Tournament da wan chimbynta 16 tylli ki dhab wei kiwa jop u yoh ki T. 7000 katwa kiwa yoh wa ar won u yoh ki T. 4000 wa pynman da ka Umchangpet Sports Welfare Organisation.
Discussion about this post