Shillong: U montri rangbah ka jylla, u Conrad K Sangma ynne da ong u wa ka jylla Meghalaya da rap ku i yoh ko na ka bhah dan namo ka GST, heiwa ha uni u snem ka jylla ka da yoh ko hadooh kamwa T. 90 klur iwa da tam kamwa 40% neiwa jooh yoh ko ha u snem wa da dep iwa man du hapoh T.60 klur donhi.
Da ong u wa ini i ku ka dan lyngba ka GST pynyoo i wa ka jylla da rap ku ko ha i khayi pateiñ wei man ko leh i dak wa miat wa bha neibynta ka jylla.
U Conrad hajrong i mih i psiah chapoh ka jylla da ong u wa ka sorkar da pynyinsur ko ya ki kyndon hajrong ini tangwa ka sorkar da pynkhor ko wa kiwa wan psiah toh u leh ki ya ki Test wa emkaam chwa wow psiah ki.
Da ong u leh wa ymye u ong yeiwa daw wan tangwa i kaamram ka sorkar hi toh wow syndong neibynta i chngaaiñ wei i chait i khiah ki paidbah khnang wow lai bait i khayi pateiñ
U Conrad da pynrap u leh deiwa ong wa katwa dang lai i por, ka sorkar daw sdang chim ko ya ki luti wow pynyinsur ya ki kyndon heiyatoh wa i psiah i mih ha ka jylla.
